Lecturas que unen

Carlos de Castro

A mañá do luns 29 de maio o Club de Lectura participou en Pontedeume no acto de confraternización coa a biblioteca do IES Fraga do Eume dentro dos actos de conmemoración do 25º aniversario de ambos os centros. A visita comezou cunha confencia de Carlos de Castro Álvarez, autor da novela La casa de la linterna.

Deste xeito puidemos descubrir o punto de partida da obra na fascinación do autor polas casas abandonadas; ver as fotos de Pontedeume dos anos 40; atender os seus comentarios como historiador; e interrogalo sobre as peripecias dos personaxes e o seu desenlace. Ademais, a continuación visitamos os lugares polos que transcorre esta obra lida e comentada para a ocasión polo alumnado asistente.

A mañá rematou cun magnífico xantar ofrecido na Escola de Hostelería.